Apr 03 2025 | २०८१, चैत २१गते
काठमाडौँ । नेपाल धितोपत्र बोर्ड(सेबोन)ले इन्भेष्टमेन्ट कम्पनीहरुलाई सूचीकृत हुन निर्देशन दिएको छ। सेबोनले शुक्रबार सूचना जारी गरी विवरणसहित सूचीकृत हुन भनेको हो ।
सरकारले गत पुस तेस्रो साता सम्पत्ति शुद्धीकरण (मनी लाउन्डरिङ) निवारण ऐन अनुसार समन्वय समितिको सिफारिसमा ५ करोड रुपैयाँ वा सोभन्दा बढी चुक्ता पुँजी वा १० करोड रुपैयाँ वा सोभन्दा बढी कारोबार भएका इन्भेष्टमेन्ट कम्पनीको हकमा यस्तो भनेको थियो । सरकारले यसका लागि सेबोनलाई नियमनकारी निकाय तोक्ने निर्णय गरेको थियो।
इन्भेष्टमेन्ट कम्पनीको नियमनको जिम्मेवारी दिएपछि सेबोनले सम्पत्ति शुद्धीकरण सम्बन्धी अनुसन्धानका लागि कम्पनीहरुलाई सूचीकृत हुन भनेको हो।
© 2025 All right reserved to Nayasadak.com | Site By : Sobij
