Apr 30 2025 | २०८२, वैशाख १८गते
काठमाडौं ।पशुपति विकास कोषको ऐन परिमार्जन गरिने भएको छ । संस्कृति,पर्यटन तथा नागरिक उड्डनमन्त्री बद्री पाण्डेले पशुपति विकास कोषको ऐन परिमार्जन गरी समय सापेक्ष बनाइने बताएका हुन् ।
बुधबार पशुपति क्षेत्र विकास कोषको ३९औं वार्षिकोत्सव समारोहलाई सम्बोधन गर्दै मन्त्री पाण्डेले कोषको ऐन परिमार्जन गर्ने गरी मस्यौदा तयार गरिएको बताए । उनले चाँडै मस्यौदा मन्त्रिपरिषद् हुँदै संसद् लैजाने प्रतिबद्धता व्यक्त गरे ।
नेपाललाई अन्तर्राष्ट्रिय पहिचान समेत दिएको बताउँदै मन्त्री पाण्डेले पशुपतिनाथ विश्व हिन्दू धर्मावलम्बीका आस्थाको धरोहर रहेको बताए । मन्त्री पाण्डेले नेपालको सभ्यताको पहिचानका रूपमा रहेको पशुपतिनाथलाई थप व्यवस्थित गर्दै अघि बढ्ने प्रतिबद्धता जनाए ।
© 2025 All right reserved to Nayasadak.com | Site By : Sobij
