May 22 2025 | २०८२, जेठ ८गते
काठमाडौं — अबदेखि स्वास्थ्य बीमाको नवीकरण प्रक्रिया अझ सरल र सहज बन्ने भएको छ। स्वास्थ्य बीमा बोर्डले हालै गरेको नयाँ व्यवस्थाअनुसार, अब पेमेन्ट वालेट तथा जस्ता डिजिटल माध्यममार्फत बीमा नवीकरण गर्न सकिनेछ। बोर्डका कार्यकारी निर्देशक डा। रघुराज काफ्लेका अनुसार, यो सेवा नागरिक एपमार्फत लिंक गरेर सुरु गरिएको हो, जसले प्रयोगकर्तालाई मोबाइलमै सजिलै नवीकरण गर्न सक्ने सुविधा प्रदान गर्नेछ।
यस सुविधाले सेवाग्राहीलाई घरमै बसेर सेवा लिन सकिने डिजिटल पहुँच उपलब्ध गराउँछ, जुन विशेष गरी ग्रामीण तथा टाढा क्षेत्रका नागरिकहरूका लागि निकै उपयोगी हुने विश्वास गरिएको छ।
स्वास्थ्य तथा जनसंख्या मन्त्री प्रदीप पौडेलले स्वास्थ्य बीमा प्रणालीमा सुधार गर्दै दर्ता गरेको तीन महिनाभित्रै होइन, अब एक महिनाभित्रै सेवा लिन मिल्ने व्यवस्था कार्यान्वयनमा ल्याएका छन्। यो प्रस्ताव मन्त्रीपरिषद् बैठकबाट पारित भइसकेको छ।
यद्यपि, अनलाइन नवीकरणको नीति अघिल्लो समयमै तय गरिएको भए पनि यसको व्यवहारिक कार्यान्वयन हालसम्म थिएन। अघिसम्म बीमा नवीकरणका लागि एजेन्टको भर पर्नु पर्ने अवस्था थियो, तर अब डिजिटल पहुँचले त्यो निर्भरता हटाउँदै सेवामा पारदर्शिता र छिटोपनता ल्याउने अपेक्षा गरिएको छ।
© 2025 All right reserved to Nayasadak.com | Site By : Sobij
