काठमाडौं ।  नेपाल स्टक एक्सचेन्ज (नेप्से)मा विन नेपाल लघुवित्त वित्तीय संस्था लिमिटेडको एफपीओ औपचारिक रूपमा सूचीकृत गरिएको छ।

कम्पनीले सर्वसाधारण लगानीकर्तालाई वितरण गरेको ५१ हजार २९५.५० कित्ता एफपीओ सेयर नेप्सेमा सूचीकृत भएसँगै अब ती सेयरहरू लगानीकर्ताको डिम्याट खातामा जम्मा भएपछि खरिदबिक्री गर्न सकिनेछ।

गभर्नर नियुक्तिमा ढिलाइ हुँदा आर्थिक क्षेत्रमा नकारात्मक असर पर्छ : अध्यक्ष दाहाल

दशरथचन्द । नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ ले गभर्नर नियुक्तिमा ढिलाइ हुँदा देशको आर्थिक क्षेत्रमा नकारात्मक असर पर्ने बताउनुभएको छ । उहाँले चाँडो उक्त पदमा नियुक्तिको टुङ्गो लगाउन आग्रह गर्नुभयो । 

आज बैतडीको पाटनबाट नेपाल कम्युनिष्ट (माओवादी केन्द्र)को मध्यपहाडी लोकमार्ग (पुष्पलाल मार्ग) केन्द्रित जनतासँग माओवादी जनजागरण अभियानको शुभारम्भ गर्दै पूर्वप्रधानमन्त्री समेत रहनुभएका उहाँले राष्ट्र बैंकको गभर्नर तुरुन्तै नियुक्ति गर्नुपर्ने भए पनि ढिलाइ भइरहेकोप्रति विरोध जनाउनुभयो । 

“गभर्नर तुरन्तै नियुक्त हुनुपर्ने हो, तर अहिलेसम्म गरिएको छैन, यो जनताको हितविपरित छ”, उहाँले भन्नुभयो । तराईपहाड, हिमाललाई एकताबद्ध रुपमा जोड्न र आर्थिक समृद्धिमा टेवा पु¥याउन मध्यपहाडी लोकमार्ग जनजागरण अभियान सुरु गरिएको अध्यक्ष दाहालले बताउनुभयो । 

अमेरिकाद्वारा संयुक्त अरब इमिरेट्ससँग २०० अर्बको सम्झौता

वासिङ्टन । संयुक्त राज्य अमेरिकाले बिहीबार संयुक्त अरब इमिरेट्स (यूएई)सँग २०० अर्ब डलरभन्दा बढीको सम्झौता घोषणा गरेको छ । सम्झौतामा अत्याधुनिक अन्तरिक्ष यान, ऊर्जा र महत्वपूर्ण खनिजहरू समावेश गरिएको छ । 

जीई एरोस्पेसले इतिहाद एयरवेजबाट जिइ इन्जिनद्वारा सञ्चालित  बोइङ र विमान खरिद गर्नका लागि १४।५ बिलियन डलरको सम्झौता गरेको ह्वाइट हाउसले प्रेस विज्ञप्तिमार्फत जनाएको छ ।

‘इमिरेट्स ग्लोबल एल्युमिनियम’ ले ओक्लाहोमा राज्यमा चार अर्ब डलरको प्राथमिक एल्युमिनियम गाल्ने परियोजनामा लगानी गर्ने प्रेस विज्ञप्तिमा उल्लेख गरिएको छ ।   

‘आगामी बजेटमा शिक्षा, स्वास्थ्य र रोजगारीलाई प्रमुख प्राथमिकता दिनुपर्ने’

काठमाडौँ ।प्रतिनिधिसभाको आजको बैठकमा आगामी आर्थिक वर्ष २०८२/८३ का लागि प्रस्तुत गरिने विनियोजन विधेयकका सिद्धान्त र प्राथमिकतामाथि छलफल जारी छ । छलफलका क्रममा सांसदहरूले शिक्षा, स्वास्थ्य, रोजगारी, सुशासन, पूर्वाधार विकासलगायत क्षेत्रमा विशेष प्राथमिकता दिनुपर्नेमा जोड दिनुभएको हो ।

सांसद शान्ति विकले सरकारले ढिलासुस्ती नगरी उपलब्ध स्रोतसाधनको उपयोग गर्दै वर्तमान अवस्थाको सुधार गर्नुपर्ने बताउनुभयो । उहाँले कृषि, पर्यटन, ऊर्जा, पूर्वाधार र सूचना प्रविधिलाई बजेटको प्राथमिकतामा राख्नुपर्ने धारणा राख्नुभयो ।

नेपाल ल्यूब आयलले १०१% नाफा वृद्धि गर्दै ३.२४ करोड कमायो, २००५ हकप्रद सेयरका लागि स्वीकृति माग

काठमाडौं । नेपाल ल्यूब आयल लिमिटेडले चालु आर्थिक वर्षको तेस्रो त्रैमाससम्म ३ करोड २४ लाख रुपैयाँ खुद नाफा आर्जन गरेको छ, जुन अघिल्लो वर्षको तुलनामा १०१.२४% ले वृद्धि हो। अघिल्लो वर्ष सोही अवधिमा कम्पनीको नाफा १ करोड ६१ लाख रुपैयाँ थियो।

यस अवधिमा कम्पनीको आम्दानी ८२ करोड २७ लाखबाट बढेर ८९ करोड ५३ लाख रुपैयाँ पुगेको छ, भने बिक्री लागत ७१ करोड २१ लाख कायम भएको छ। कम्पनीको सञ्चालन नाफा पनि ३ करोड ९७ लाखबाट बढेर ४ करोड ८१ लाख पुगेको छ।

वित्तीय खर्च २ करोड ६३ लाखबाट घटेर २ करोड ११ लाख पुगेको छ, जसले गर्दा खर्च घट्ने र आम्दानी बढ्ने प्रभावले नाफा उल्लेखनीय रूपमा सुधार भएको देखिन्छ।

विद्युत आपूर्तिमा गडबडी प्रसारण लाइन अभावको कारण भएको कार्यकारी निर्देशक शाक्यको दाबी

काठमाडौँ । नेपाल विद्युत् प्राधिकरणका कार्यकारी निर्देशक हितेन्द्रदेव शाक्यले विद्युत् आपूर्ति प्रभावित भएको विषयमा  त्यसको कारण सार्वजनिक गरेका छन् ।विद्युत् उत्पादन बढदै गए पनि सोही अनुसार प्रसारण लाइन सञ्जाल बढ्न नसकेकाले  विद्युत् आपूर्तिं प्रभावित भएको कार्यकारी निर्देशक शाक्यले बताएका हुन् ।निर्वतमान कार्यकारी निर्देशक कुलमान घिसिङ पदच्युत गरिएयता विद्युत जाने समस्या जनताले महसुस गर्दै आएकोमा बिहीबार एकैपटक धेरै क्षेत्रमा यस्तो समस्या अनुभव गरिएको थियो । राजधानीका विभिन्न ठाउँमा अँध्यारो भएको थियो ।

राजनीतिकरूपमा प्रस्तावित गभर्नर भनिएका डा. विश्व पौडेल विरुद्धको रिटमा सर्वोच्चको दरपिठ