May 20 2025 | २०८२, जेठ ६गते
काठमाडौं । दोर्दी खोला जलविद्युत कम्पनी लिमिटेडको संस्थापक सेयर, स्थानीय बासिन्दा र कर्मचारीलाई बाँडफाँट गरिएको सेयरको 'लक इन' अवधि आगामी असार ७ गते सकिने भएको छ। लक इन अवधि सकिएपछि, संस्थापक सेयरधनी, स्थानीय बासिन्दा र कर्मचारीहरूले होल्ड गरेको सेयर कारोबारका लागि योग्य हुनेछन्।
कम्पनीले सर्वसाधारणलाई २०७९ असार ८ गते सेयर बाँडफाँट गरेको थियो, जसअनुसार तीन वर्षसम्म संस्थापक सेयरधनी, स्थानीय बासिन्दा र कर्मचारीको सेयर लक इनमा राख्नुपर्ने व्यवस्था गरिएको थियो। वर्तमानमा कम्पनीको ७५ लाख ९० हजार ६७५ कित्ता संस्थापक सेयर, ७ लाख ५६ हजार ४२० कित्ता स्थानीयको सेयर र ६५ हजार ८६५ कित्ता कर्मचारीको सेयर लक इन अवस्थामा रहेको छ।
© 2025 All right reserved to Nayasadak.com | Site By : Sobij
