May 22 2025 | २०८२, जेठ ८गते
काठमाडौं। हिमालयन रिइन्सुरेन्सले आगामी जेठ २५ गते वार्षिक साधारण सभा गर्ने जनाएको छ। सभाका लागि कम्पनीले बुक क्लोज मिति जेठ ११ गते तोकेको छ, जसअनुसार लाभांश प्राप्तिका लागि सेयरधनी आज जेठ ८ गतेसम्म कायम हुनुपर्नेछ।
किनभने जेठ ९ गते शुक्रबार र १० गते शनिबार सेयर बजार बन्द हुने भएकाले आज सेयर खरिद नगरे लाभांश दाबी गर्न नमिल्नेछ।
कम्पनीले आर्थिक वर्ष २०८०/८१ का लागि कुल ४.७५ प्रतिशत लाभांश वितरणको प्रस्ताव गरेको छ। यसमध्ये ४.५० प्रतिशत बोनस सेयर र ०.२४ प्रतिशत नगद लाभांश (कर प्रयोजनका लागि) प्रस्ताव गरिएको छ।
मिति: जेठ २५ गते, आइतबार
स्थान: नेपाल प्रज्ञा प्रतिष्ठान, कमलादी, काठमाडौं
समय: बिहान ११ बजे
साधारण सभामा वार्षिक प्रतिवेदन, नाफा–नोक्सान विवरण, नगद प्रवाह, सामाजिक उत्तरदायित्वअन्तर्गतका खर्च, प्रबन्धपत्र संशोधन, लेखापरीक्षक नियुक्ति लगायतका प्रस्तावमा छलफल तथा निर्णय गरिनेछ।
© 2025 All right reserved to Nayasadak.com | Site By : Sobij
