काठमाडौँ । नेपाल राष्ट्र बैंकमा डेपुटी गभर्नरहरूबीच जिम्मेवारीको बाँडफाँट गरिएको छ। गभर्नर विश्वनाथ पौडेलले निलम ढुङ्गाना र बमबहादुर मिश्रबीच विभागीय कार्य विभाजन गरेका हुन्।

नयाँ कार्य विभाजनअनुसार, निलम ढुङ्गानाले निम्न विभागहरूको जिम्मेवारी पाएकी छन्:

• बैंक तथा वित्तीय संस्था नियमन विभाग

• गैरबैंकिङ वित्तीय संस्था सुपरिवेक्षण विभाग

• लघुवित्त सुपरिवेक्षण विभाग

• विदेशी विनिमय व्यवस्थापन विभाग

• मुद्रा व्यवस्थापन विभाग

• संस्थागत योजना तथा जोखिम व्यवस्थापन विभाग

• सम्पत्ति तथा सेवा व्यवस्थापन विभाग

• सूचना प्रविधि विभाग

• प्रदेश कार्यालयहरू

त्यस्तै, बमबहादुर मिश्रले हेर्ने विभागहरू यसप्रकार छन्:

• बैंक सुपरिवेक्षण विभाग

• वित्तीय संस्था सुपरिवेक्षण विभाग

• आर्थिक अनुसन्धान विभाग

• मौद्रिक व्यवस्थापन विभाग

• भुक्तानी प्रणाली विभाग

• बैङ्किङ विभाग

• मानव संसाधन व्यवस्थापन विभाग

• वित्त व्यवस्थापन विभाग

गभर्नरको कार्यालय भने प्रत्यक्ष रूपमा गभर्नर पौडेलमार्फत सञ्चालन हुने व्यवस्था यथावत् राखिएको छ।

गौरतलब छ, महाप्रसाद अधिकारीको कार्यकाल सकिएपछि निलम ढुङ्गाना कार्यवाहक गभर्नर बनेकी थिइन् र सो समयमा सबै विभागहरूको जिम्मेवारी बमबहादुर मिश्रलाई दिइएको थियो। अहिले नयाँ गभर्नर नियुक्त भएपछि ढुङ्गाना पुनः डेपुटी गभर्नरको भूमिकामा फर्किएपछि यो नयाँ कार्य विभाजन गरिएको हो।