Jun 04 2025 | २०८२, जेठ २१गते
सिड्नी ।विस्फोटक अस्ट्रेलियाली ब्याट्सम्यान ग्लेन म्याक्सवेलले सोमबार आफ्नो एकदिवसीय अन्तर्राष्ट्रिय क्रिकेट करियरको अन्त्य गर्नुभएको छ । यद्यपि उहाँले आगामी वर्षको विश्वकपलाई लक्षित गर्दै टि–२० क्रिकेटमा निरन्तरता दिने घोषणा गर्नुभएको छ ।
एक सय ४९ एकदिवसीय खेल खेलेका ३६ वर्षीया म्याक्सवेलले तीन हजार नौ सय ९० रन बनाउनुभएको छ । उहाँले ५० ओभरको खेलको शारीरिक दबाब महसुस गर्न थालेको बताउनुभयो ।
“परिस्थितिमा मेरो शरीरले कस्तो प्रतिक्रिया गरिरहेको छ भनेर मैले टोलीलाई अलिकति निराश पारेको जस्तो महसुस गरेँ”, उहाँले भन्नुभयो, “मैले ९छनोट समितिका अध्यक्ष० जर्ज बेलीसँग राम्रो कुराकानी गरेँ र मैले उहाँलाई अगाडि गएर उहाँको के विचार छ भनेर सोधेँ ।”
“हामीले सन् २०२७ ९५० ओभर० विश्वकपको बारेमा कुरा ग¥यौँ र मैले उहाँलाई भनेँ ः ‘मलाई लाग्दैन कि म त्यहाँ पुग्नेछु, अब मेरो स्थानमा मानिसहरूलाई यसमा मौका दिन र यो स्थानलाई आफ्नो बनाउन योजना बनाउन सुरु गर्ने समय आएको छ’”, उहाँले भन्नुभयो ।
म्याक्सवेलको १२६ को स्ट्राइक रेट एकदिवसीय क्रिकेटमा दोस्रो उच्चतम छ, वेस्ट इन्डियन हेभी हिटर आन्द्रे रसेलपछि, जहाँ उनले चार शतक र २३ अर्धशतक ठोकेका छन्। उनले आफ्नो अफ–स्पिनबाट ७७ विकेट पनि लिएका छन्।
“एकदिवसीय अन्तर्राष्ट्रिय ढाँचाको इतिहासमा सबैभन्दा रोमाञ्चक र प्रभावशाली करियरहरू मध्ये एकमा ग्लेनलाई बधाई छ,“ क्रिकेट अस्ट्रेलियाका प्रमुख टोड ग्रीनबर्गले भने।
“अस्ट्रेलियाली क्रिकेट ग्लेनको एकदिवसीय उपलब्धिहरूका लागि ऋणी छ र उत्साहित छ कि उनले अब आगामी वर्ष आईसीसी ट्वान्टी–२० विश्वकप जित्ने हाम्रो लक्ष्यमा ध्यान दिनेछन्।“
© 2025 All right reserved to Nayasadak.com | Site By : Sobij
