Jun 27 2025 | २०८२, असार १३गते
काठमाडौं।परराष्ट्रमन्त्री डा. आरजु राणा देउवा खाद्य तथा कृषि संगठन (एफएओ) द्वारा रोम, इटालीमा आयोजना हुने ४४औं सम्मेलनमा सहभागी हुन आज त्यसतर्फ प्रस्थान गरेकी छिन्। सम्मेलन यही जुन २८ देखि जुलाई ४ सम्म चल्नेछ।
सम्मेलनको प्रमुख सत्रका साथै अन्य उच्चस्तरीय छलफलहरूमा मन्त्री राणाले नेपालको धारणा राख्नेछिन्। उनी नेतृत्वको नेपाली प्रतिनिधिमण्डलमा अष्ट्रियाका लागि नेपाली राजदूत तथा एफएओका स्थायी प्रतिनिधि र सम्बन्धित मन्त्रालयका अधिकारीहरू सहभागी छन्।
एफएओ सम्मेलनपछि मन्त्री राणा मिलान (इटाली), ह्याम्बर्ग र बर्लिन (जर्मनी) मा आयोजना हुने लगानी प्रवर्द्धन कार्यक्रमहरूमा पनि सहभागी हुने कार्यक्रम छ। उनलाई त्रिभुवन अन्तर्राष्ट्रिय विमानस्थलमा परराष्ट्र सचिव अमृतबहादुर राईसहितका उच्च अधिकारीहरूले बिदाइ गरेका थिए।
© 2025 All right reserved to Nayasadak.com | Site By : Sobij
