Sep 11 2025 | २०८२, भदौ २६गते
काठमाडौँ । आजको अपराह्न राष्ट्रियसभा बैठक नयाँ बानेश्वरस्थित सङ्घीय संसद् भवनमा ११:१५ बजेका लागि तय गरिएको छ। बैठकमा चालू आर्थिक वर्ष २०८२ का लागि प्रस्तुत गरिएको विनियोजन विधेयकअन्तर्गत विभिन्न शीर्षकहरूमा छलफल भइसकेका मन्त्रालयहरूसम्बन्धी प्रश्नहरूको उत्तर सम्बन्धित मन्त्रीहरूले दिने कार्यसूची तय गरिएको छ। यसमा राष्ट्रपति तथा उपराष्ट्रपति कार्यालय, प्रधानमन्त्री तथा मन्त्रिपरिषद् कार्यालय, राष्ट्रिय योजना आयोगको सचिवालयसहितका विभिन्न मन्त्रालयहरू समावेश छन्।
त्यसैगरी, उपप्रधानमन्त्री एवं अर्थमन्त्री विष्णुप्रसाद पौडेलले प्रतिनिधिसभाबाट सन्देशसहित पारित भइसकेको विनियोजन विधेयक, २०८२ लाई राष्ट्रियसभाबाट अनुमोदन गरियोस् भन्ने प्रस्ताव राख्ने कार्यक्रम पनि रहेको छ। साथै, उहाँले नै आर्थिक विधेयक, २०८२ तथा राष्ट्र ऋण उठाउने विधेयक, २०८२ माथि विचार गरियोस् भन्ने प्रस्ताव पनि पेश गर्नुहुनेछ।
यसका अतिरिक्त, भन्सार विधेयक, २०८० पनि प्रतिनिधिसभाबाट पारित भई राष्ट्रियसभामा पेस हुने सम्भावित कार्यसूचीमा राखिएको छ। अर्थमन्त्री पौडेलले यस विधेयकलाई पारित गरियोस् भन्ने प्रस्ताव पनि पेस गर्नेछन्।
यसैबीच, राष्ट्रियसभाका सचिव सुरेन्द्र अर्यालले सङ्घीय निजामती सेवा विधेयक, २०८० सन्देशसहित प्रतिनिधिसभाबाट प्राप्त भई सभा समक्ष टेबुल गर्ने कार्यसूची तय भएको जानकारी दिइएको छ।
© 2025 All right reserved to Nayasadak.com | Site By : Sobij
