Jul 17 2025 | २०८२, साउन १गते
काठमाडौँ । नेपाल राष्ट्र बैंकले ३६६ दिने मुद्दतीमा ५७ करोड लगानी गर्न बैक तथा वित्तीय संस्थालाई आह्वान गरेको छ ।बैंकको उपदान तथा पेन्सन कोषमा रहेको रकम लगानी गर्न इजाजत प्राप्त क वर्गका वाणिज्य बैंक, ख वर्गका राष्ट्रिय विकास बैंक र ग वर्गका राष्ट्रिय वित्त कम्पनीहरूलाई आह्वान गरिएको हो ।
२०८२ साल साउन ६ गतेदेखि २०८३ साल साउन ६ गतेसम्म ३६६ दिने मुद्दतीका लागि क वर्गका वाणिज्य बैंकका लागि ५७ करोड मध्ये ४५ करोड ६० लाख, ख वर्गका राष्ट्रिय विकास बैंकहरूका लागि ८ करोड ५५ लाख र ग वर्गका राष्ट्रियस्तरका वित्त कम्पनीका लागि २ करोड ८५ लाख छुट्टयाइएको छ ।
यो मुद्दती लिन चाहने बैंक तथा वित्तीय संस्थाहरूको सञ्चालन कम्तीमा दुई वर्ष पूरा भएको हुनुपर्ने छ । यसका लागि निवेदन २०८२ साल साउन ४ गते दिन पर्ने छ । साउन ४ गते बिहान १० बजेदेखि १ः३०बजेसम्म एफएमडीबीआईडी अटद रेट एनआरबी डट ओआरजीडट एनपी जानकारी गराउन भनिएको छ ।
© 2025 All right reserved to Nayasadak.com | Site By : Sobij
