Aug 29 2025 | २०८२, भदौ १३गते
काठमाडौँ । नेपाल राष्ट्र बैंकले ठूला १० वाणिज्य बैंकका सम्पत्तिको गुणस्तर परीक्षण गर्नका लागि छनोट गरिएको बंगलादेश परीक्षण गर्ने कम्पनीसँग सम्झौता गरेको छ ।शुक्रबार बंगलादेशको हाउलादार युनुस एन्ड कम्पनी, चार्टर्ड एकाउन्टेन्ट्सँग १० बैंकका सम्पत्तिको गुणस्तर परीक्षण गर्न नेपाल राष्ट्र बैंकले सो सम्झौता सम्झौता गरेको हो । राष्ट्र बैंकले सार्वजनिक खरिद ऐन, २०६३ को दफा ३८ (२) बमोजिम प्राविधिक र वित्तीय प्रस्ताव मूल्यांकनका आधारमा उक्त कम्पनीलाई छनोट गरेको छ ।
उक्त कम्पनीले सन् २०२५ को डिसेम्बर अन्तिमसम्म उक्त कम्पनीले गुणस्तर परिक्षण गर्ने राष्ट्र बैंकको सम्पत्ति तथा सेवा व्यवस्थापन विभागका कार्यकारी निर्देशन रोशन कुमार सिग्देलले जानकारी सार्वजनिक गरेका हुन् । उक्त कम्पनीसँग वाणिज्य बैंकको सम्पत्ति गुणस्तर परीक्षणका लागि ४ करोड ३७ लाख ४५ हजार रुपैयाँमा सम्झौता भएको हो । उक्त कम्पनीले मर्जर तथा प्राप्तिमा गएका ग्लोबल आईएमई बैंक, नबिल बैंक, नेपाल इन्भेस्टमेन्ट मेगा बैंक, कुमारी बैंक, लक्ष्मी सनराइज बैंक, हिमालयन बैंक र प्रभु बैंक रहेका छन् । साथै एनआईसी एसिया, एनएमबि, राष्ट्रिय वाणिज्य बैंकको पनि सम्पत्तिको गुणस्तर परीक्षण गर्नेछ ।
सरकारले विस्तारित कर्जा लिने क्रममा अन्तर्राष्ट्रिय मुद्रा कोष (आईएमएफ) ले राखेका सर्त अनुसार १० वाणिज्य बैंकको पूर्ण लेखा परीक्षण गर्न लागेको हो । परीक्षण गर्दा सम्पत्तिको गुणस्तर निर्धारित मापदण्डका आधारमा मापन गरिने छ । कर्जा आकार र डिफल्ट रेटलाई पनि आधार मानिने जनाइएको छ ।
© 2025 All right reserved to Nayasadak.com | Site By : Sobij
