Sep 10 2025 | २०८२, भदौ २५गते
काठमाडौं । राष्ट्रपति र नेपाली सेनाले वार्ताका लागि आह्वान गरेसँगै तीन हजारभन्दा बढी ‘जेनजी’ पुस्ताका युवा भर्चुअल छलफलमा सहभागी भएका छन्। उनीहरूबीच आगामी वार्तामा कसले प्रतिनिधित्व गर्ने र कुन विषयलाई प्राथमिकतामा राख्ने भन्नेबारे व्यापक बहस भइरहेको छ।
डिस्कर्डमार्फत चलिरहेको छलफलमा सहभागी एक युवाका अनुसार, संसद् विघटन गरी आगामी ६ महिना देखि एक वर्षभित्र आमनिर्वाचन गरिनुपर्ने माग अगाडि सारिएको छ। साथै, प्रत्यक्ष निर्वाचित प्रधानमन्त्री, प्रधानमन्त्रीको कार्यकाल ४–५ वर्षमै सीमित गर्ने र एक व्यक्ति अधिकतम २ कार्यकाल वा ८–१० वर्षसम्म मात्र प्रधानमन्त्री हुन पाउने जस्ता सुझावहरू पनि प्रस्तुत भएका छन्।
© 2025 All right reserved to Nayasadak.com | Site By : Sobij
