Nov 27 2025 | २०८२, मंसिर ११गते
आन्तरिक राजस्व विभागद्वारा जनशक्ति व्यवस्थापन गर्न अर्थ मन्त्रालयलाई आग्रह
काठमाडौँ । आन्तरिक राजस्व विभागले जनशक्ति व्यवस्थापन गर्न अर्थ मन्त्रालयलाई आग्रह गरेको छ । कार्तिक १७ गते मन्त्रिपरिषद्को बैठकले कर कार्यालयहरू खारेज गरेपछि ती कर कार्यालयहरूमा कार्यरत कर्मचारीहरू व्यवस्थापनका लागि विभागले अर्थ मन्त्रालयलाई परिपत्र गर्दै यस्तो आग्रह गरेको हो ।
संघीय मामिला तथा सामान्य प्रशासन मन्त्रालयलाई बोधार्थ दिँदै अर्थ मन्त्रालयका राजस्व सचिवका नाममा विभागले यस्तो पत्र लेखेको हो । कार्तिक १७ गते मन्त्रिपरिषद्को बैठकबाट करदाता कार्यालयहरू खारिज गरिएपछि सो कार्य कोष तथा लेखा नियन्त्रक कार्यालय र स्थानीय पालिकाहरूबाट भई आएको छ ।
यो जानकारीसहित मंसिर ७ गते राजस्व सचिवलाई पठाइएको जनशक्ति व्यवस्थापन गर्न महानिर्देशक मदन दाहाल हस्ताक्षरित पत्रमा भनिएको छ ‘ ... सम्बन्धित कोष तथा लेखा नियन्त्रक कार्यालय तथा स्थानीय पालिकाहरूबाट सम्पादन हुने गरी निर्णय भएको हुँदा संघीय मामिला तथा सामान्य प्रशासन मन्त्रालय मार्फत् सम्बन्धित पालिकाहरूसँग समन्वय गरिदिन हुन अनुरोध छ ’
© 2025 All right reserved to Nayasadak.com | Site By : Sobij
