काठमाडौं । पूर्व राज्यमन्त्री रामचन्द्र रायको हत्या भएको छ । सर्लाहीमा चन्द्रनगर गाउँपालिका वडा नं. १ स्थित घरमा उनको हत्या भएको हो ।
सर्लाहीका प्रहरी प्रवक्ता डिएसपी दीपक श्रेष्ठले जानकारी सार्वजनिक गरे अनुसार अज्ञात समूहले धारिलो हतियार प्रयोग गरी गएराति रायको हत्या गरेकोे छ ।
३० वर्षअघि ८० वर्षीय राय राप्रपाबाट भूमिव्यवस्था राज्यमन्त्री भएका थिए । उनको हत्या भएको थाहा पाएलगत्तै प्रहरी टोली घटनास्थल पुगेर अनुसन्धान गरिरहेको छ ।
