काठमाडौं । काठमाडौंको खिचापोखरी न्यूरोड क्षेत्रको व्यवसाय प्रवर्द्धधन गर्न सप्ताहव्यापी खिचापोखरी–न्यूरोड व्यापार मेलाको आयोजन गरिएको छ । खिचापोखरी न्यूरोड व्यापार संघले यो मेलाको आयोजन गरेको हो ।मेलामा उपभोक्तालाई सहुलियत मूल्यमा ‘रेडिमेड’ कपडा तथा जुत्ता बिक्री गरिने संघका अध्यक्ष सागर शाक्यले जानकारी दिएका छन् ।
बुधबारदेखि सुरु भएको मेला भदौ ११ गतेसम्म सञ्चालन हुने मेलामा सर्ट, पाइन्ट, टिसर्ट, रेडिमेड गार्मेन्ट र जुत्ताहरु ४० देखि ६० प्रतिशतसम्म छुटमा पाइने संघका वरिष्ठ उपाध्यक्ष भरत बडालले जनाए । कुल छ सय व्यवसायी रहेको खिचापोखरी न्यूरोड क्षेत्रमा वर्षको दुईपटक यस्ता मेला आयोजना गरिने वरिष्ठ उपाध्यक्ष बडालले बताए ।
