काठमाडौँ । पर्सा प्रहरीले बिलबीजक भन्दा बढी कस्मेटिक लगायतका मालवस्तुसहितको ट्रक नियन्त्रणमा लिएको छ ।५८ लाख ८६ हजार ३०रुपैयाँ बराबरको मालवस्तु रहेको ट्रकसहित थप अनुसन्धान तथा कारबाहीका लागि राजस्व अनुसन्धान कार्यालय पथलैयामा बुझाइएको पर्सा प्रहरीले जनाएको हो ।
पर्सा प्रहरीले जनाए अनुसार भदौ ७ गते बेलुका सवा आठ बजेतिर वीरगञ्ज महानगरपालिका वडा न २५स्थित आईसीपी चोकमा ना ३ ख ९८४५ नम्बरको मालवाहक ट्रक नियन्त्रणमा लिइएको थियो ।वीरगञ्जबाट काठमाडौँ तर्फ लाँदै गरिएको सो ट्रकमा बिलबीजक भन्दा बढीको मालवस्तु भएको पाइएकाले त्यसलाई नियन्त्रणमा लिई राजस्व अनुसन्धान कार्यालय पथलैयामा बुझाइएको जनाइएको छ । जिल्ला प्रहरी कार्यालय पर्साले जारी गरेको विज्ञप्ति अनुसार उक्त ट्रकमा भएको मालवस्तु अन्दाजी ५८ लाख ८६ हजार ३० रुपैयाँ बराबर रहेको छ ।
