Jul 02 2025 | २०८२, असार १८गते
काठमाडौँ । सरकारले यो दशैँमा प्रति चिनियाँ बाख्राबाट औसत १०१५ रुपैयाँ भन्सार राजस्व प्राप्त गरेको छ । यो गत आर्थिक वर्षको तुलनामा करिब २० रुपैयाले घटी हो ।राजस्व अनुसन्धान विभागले सार्वजनिक गरेको असोज महिनासम्मको वैदेशिक व्यापारसम्बन्धी प्रतिवेदनमा यस्तो जनाएको छ ।
चालु आर्थिक वर्ष २०८१/८२को पहिलो तीन महिना मध्ये असोजमा मात्र २सय जीवित बाख्रा चीनबाट आयात गरिएको छ । साउन भदौमा चिनियाँ जीवित बाख्रा आयात नगरिएको विभागको प्रतिवेदनमा उल्लेख गरिएको छ ।चालु आवको असोजमा आयात गरिएको २ सय जीवित बाख्राको भन्सार आयात मूल्य २०लाख २०हजार तोकिएको छ । सोही मूल्यको आधारमा भन्सार आयात राजस्व २ लाख ३ हजार असुल गरिएको विभागले जनाएको छ ।
विभागको प्रतिवेदन अनुसार गत आवको असोजसम्मको प्रतिवेदनमा ६सय ६५ जीवित बाख्रा चीनबाट आयात गरिएको थियो । त्यसको भन्सार आयात राजस्व ६ लाख ८८ हजार असुल गरिएको जनाइएको छ । ६६ लाख ५८हजार भन्सार आयात मूल्य तोकिएको जनाइएको छ ।गत आवमा कुल ९९५ जीवित बाख्राको आयात गरिएको थियो । जसअनुसार भन्सार आयात राजस्व १० लाख २७ हजार असुल भएको जनाइएको छ ।
© 2025 All right reserved to Nayasadak.com | Site By : Sobij
