Oct 31 2025 | २०८२, कात्तिक १४गते
काठमाडौं । नारायणगढ–बुटवल सडक आयोजनालाई बाँकी काम पूरा गर्न अन्तिम पटकका लागि एक वर्षको म्याद दिइएको छ । आयोजनाका अनुसार अन्तिम पटकका लागि काम सक्न पर्ने म्याद ९ साउन २०८३ सम्म विस्तार गरिएको हो । यो सडक आयोजनाको हालको भौतिक प्रगति ७० प्रतिशत रहेको छ । यो अवधिमा आयोजनाको सम्पूर्ण कार्य सम्पन्न हुने विश्वास गरिएको छ ।
नारायणगढ–बुटवल सडक खण्डको भौतिक प्रगति ७० प्रतिशत पुगे पनि काम सुस्त गतिमा अगाडि बढ्दा सरकारको समेत चर्को आलोचना हुँदै आएको छ ।कुल ११४.५३ किलोमिटर लामो यो सडक खण्डमा दाउन्ने बाहेक सबै स्थानमा कालोपत्र भएसँगै यात्रा सहज भइसकेको आयोजनाका अधिकारीहरूको भनाइ छ ।
दाउन्ने क्षेत्रको १३ किलोमिटर सडकमा भने अहिले पनि सास्तीखेप्नु परेको छ । खासगरी पानी परेको समयमा सवारीसाधन चिप्लिँदा यात्रा प्रभावित हुने गरेको छ ।
© 2025 All right reserved to Nayasadak.com | Site By : Sobij
